GIS

Şəki rayonunun “Yuxarı Baş” Qoruğu üzrə CİS-in qurulması

Şəki şəhərinin tarixi mərkəzi olan və YUNESKO-nun  Ümumdünya İrs Siyahısına daxil edilmiş “Yuxarı Baş” Milli Tarix-Memarlıq Qoruğunun ərazisinin Coğrafi İnformasiya Sisteminin  qurulması və tematik rəqəmsal xəritələrin tərtibi  məqsədilə ikitərəfli müqavilə imzalanmışdır. Azərbaycan Respublikasının Dövlət Turizm Agentliyi və CASPIAN GEOMATICS arasında əməkdaşlıq çərçivəsində  layihə üzrə müxtəlif verilənlərdən istifadə etməklə (peyk şəkillər, ortofotoplanlar, müxtəlif kartoqrafik materiallar və.s ) informativ elektron məlumat bazası yaradılmışdır. Yaradılmış geoinformasiya sistemində layihə sərhədləri üzrə bütün məkan obyektləri və onların məlumatları toplanılmış və sistemləşdirilmişdir. Eyni zamanda,  CİS əsasında “Yuxarı Baş” Milli Tarix-Memarlıq Qoruğunun ərazisi üzrə müxtəlif mövzuda çoxsaylı tematik rəqəmsal xəritələr tərtib olunmuşdur.

Qeyd edək ki, ” Yuxarı Baş ” Milli Tarix – Memarlıq Qoruğunun ərazisində yerləşən YUNESKO – nun Dünya İrs Siyahısına daxil edilmiş “Şəkinin tarixi hissəsi” ilə bağlı Ümumdünya İrs Komitəsinin tələblərinə uyğun olaraq ərazinin Müstəsna Ümumbəşəri Dəyərinin qorunması, həm də mədəni irsin istifadəsi istiqamətində icmanın sosial-iqtisadi inkişafını müəyyənləşdirən müfəssəl inkişaf planı ( Şəhər Regenerasiya Plani ) Azərbaycan Respublikasının Dövlət Turizm Agentliyi tərəfindən Dünya İrs Komitəsinin mütəxəssisləri ilə əməkdaşlıq çərçivəsində hazırlanır .

 

Bütün hüquqlar qorunur.  İstifadə edərkən https://caspiangeomatics.com/ saytına istinad zəruridir.

post your comment

Ahmad Rajabli street 1/47, Tech Plaza, 4th floor, Baku, Azerbaijan [email protected] (+994) 12 480 10 70 / (+994) 55 206 09 95
× WhatsApp Chat