SCADA layihələndirmə, Geodeziya və DRON ölçmə işləri, topoqrafik xəritə tərtibatı, irriqasiya kanalları üzrə texniki inventarlaşdırma

Şəki rayonunda yerləşən Əyriçay su anbarının tikintisinin tamamlanma işlərini yerinə yetirmək məqsədi ilə ərazidə mühəndis axtarış işlərinin aparılması zərurəti yaranmışdır. Bu məqsədlə, “Əyriçay su anbarının tikintisinin tamamlanması üzrə layihə-smeta sənədlərinin hazırlanması” tenderi üzrə mühəndis axtarışları istiqamətində podratrçı şirkətlə ikitərəfli müqavilə imzalanmışdır. Eyni zamanda Əyriçay su anbarının və ətraf ərazilərinin yüksək dəqiqliyə malik böyük miqyaslı rəqəmsal topoqrafik xəritə tərtibatı yerinə yetirilmişdir. Bundan başqa, mövcud irriqasiya kanallarının SCADA layihələndirilməsi məqsədi ilə və boru xətləri üzrə mühəndis topoqrafiya ölçmələri aparılmış, həm də, texniki inventarlaşdırma işləri icra edilmişdir. Mühəndis tədqiqatları çərçivəsində qarşıya qoyulan məsələlər icra qrafikinə uyğun və müasir yanaşmalardan istifadə etməklə öz həllini tapmışdır.

Həll edilmiş məsələlər:

1. Əyriçay su anbarının və onun ətraf ərazilərinin DRON və baza rover sistemi əsasında topoqrafiya ölçmələrinin aparılması.
2. Layihələndirilən irriqasiya kanallarının trassaları üzrə mühəndis topoqrafiya ölçmələrinin icrası.
3. Mövcud irriqasiya kanalları üzrə SCADA (Avtomatika) layihələndirilməsi məqsədi ilə topoqrafik ölçmələrin icrası və hidrotexniki qurğuların texniki inventarlaşdırılması (48.1 km).
4. Boru xətlərinin topoqrafiya ölçmələri (7.7 km)
5. Əyriçay su anbarının və Babaratma, Qaradağlı, Qudula, Şorsu, Cumakənd yaşayış sahələrinin, həmçinin irriqasiya kanallarının ortofoto tərtibi.
6. Əyriçay su anbarı və ətraf ərazilərin, həmçinin mövcud irriqasiya kanallarının rəqəmsal topoqrafiya xəritələrinin tərtibi.