Torpaqların meliorativ tədqiqatları, Laboratoriya analizləri, Tematik rəqəmsal xəritələr (pH, Quru qalıq, Elektrik keçiriciliyi), Şorlaşma təsnifatı xəritələri

“Cəbrayıl rayonunun işğaldan azad olunmuş ərazilərində meliorasiya və su təsərrüfatı kompleksinin bərpası və inkişafı üzrə texniki-iqtisadi əsaslandırmanın və layihə sənədlərinin hazırlanması” çərçivəsində torpaqların meliorativ tədqiqatları məqsədilə müqavilə imzalanmışdır. “CASPIAN GEOMATICS” MMC tərəfindən tədqiqat ərazisində müxtəlif kəsimlər üzrə torpaq nümunələri götürülmüş və laboratoriya analizləri aparılmışdır. Bununla yanaşı, analiz nəticələrinin göstəricilərinə əsasən hər bir kəsim üzrə tematik rəqəmsal xəritələr tərtib olunmuş, o cümlədən seçilmiş kəsim intervalları üzrə şorlaşma təsnifatı xəritələri işlənilmiş,  CİS qurulmuşdur.

Torpaqların melioarativ tədqiqatları üzrə SƏTƏM tədbirlər planı hazırlanmış, risk meyarına baxılmış, təhlükəli meyarlar aşkara çıxarılmışdır.

Tədqiqat çərçivəsində həll edilmiş məsələlər:

1. Koordinatlar üzrə 62 yerdən 5 kəsim intervalında (0-25, 25-50, 50-75, 75-100 və 100-150 sm) torpaq nümünələrinin götürülməsi.
2. 310 nümunə üzərində analizlərin aparılması.
3. Torpaq analiz nəticələri üzrə (pH, Quru qalıq və Elektrik keçiriciliyi) tematik xəritələrin tərtibi.
4. Süzmə əmsalı üzrə torpaqların təsnifatı.
5. 0-25sm və 25-50sm intervalları üzrə şorlaşma təsnifatı xəritələrin tərtibi, CİS-in qurulması.
6. Bütün kəsimlər üçün üç parametr əsasında inteqral qiymətlərin verilməsi və göstəricilər üzrə şorlaşma dərəcəsinin modelləşdirilməsi (üç səviyyə üzrə modelin qurulması).
7. Tədqiqat sahəsi üzrə tövsiyələrin verilməsi.
8. Torpaq tədqiqatı hesabatının hazırlanması.