Coğrafi informasiya sistemi üzrə Şəki şəhərinin tarixi mərkəzi olan və YUNESKO-nun Ümumdünya İrs Siyahısına daxil edilmiş “Yuxarı Baş” Milli Tarix-Memarlıq Qoruğu ərazisinin geoməlumat bazasını qurmaq məqsədilə xidməti müqavilə bağlanmışdır. Əməkdaşlıq çərçivəsində aerokosmik və xəritə materialları əsasında informativ elektron məlumat bazası yaradılmışdır. Coğrafi informasiya sistemi üzrə qurulmuş geoverilənlər bazasında məkan obyektləri və mətn verilənləri toplanılmış, “Yuxarı Baş” Milli Tarix-Memarlıq Qoruğunun ərazisi üzrə müxtəlif mövzuda çoxsaylı tematik xəritələr tərtib olunmuşdur.

Qeyd edək ki, “Yuxarı Baş” Milli Tarix – Memarlıq Qoruğunun ərazisində yerləşən YUNESKO – nun Dünya İrs Siyahısına daxil edilmiş “Şəkinin tarixi hissəsi” ilə bağlı Ümumdünya İrs Komitəsinin tələbi üzrə ərazinin Müstəsna Ümumbəşəri Dəyərinin qorunması, mədəni irsin istifadəsi üzrə icmanın sosial-iqtisadi inkişafını müəyyən edən müfəssəl inkişaf planı (Regenerasiya Planı) Azərbaycan Respublikası Dövlət Turizm Agentliyi ilə Dünya İrs Komitəsi tərəfindən hazırlanır. “Yuxarı Baş” Milli Tarix-Memarlıq Qoruğunun coğrafi informasiya sisteminin qurulması isə CASPIAN GEOMATICS tərəfindən icra edilmişdir.

https://caspiangeomatics.com/