Batimetriya və topoqrafiya ölçmələri aparılmaqla ərazinin 1:500 miqyaslı topoqrafik planı tərtib edilmişdir.

Xəzər dənizi hövzəsinin Mərdəkan çimərliyi sahəsində batimetriya və topoqrafiya ölçmələri üzrə CASPIAN GEOMATICS şirkəti ilə müqavilə imzalanmışdır. Müqavilənin predmeti aşağıdakıları özündə əks etdirir:

• tədqiqat ərazisində batimetrik və topoqrafik ölçmələri üzrə işlərin yerinə yetirilməsi
• dib relyefinin detallı tədqiqi və batimetrik xəritə və modelin qurulması
• yüksəklik göstəricilərinin Baltik səviyyə üzərinə gətirilməsi

Məsələnin həll üsulları

Layihə obyektinin yerləşməsini nəzərə alaraq batimetrik və topoqrafik ölçmələr zamanı müxtəlif metodiki yanaşmalar geniş istifadə olunubdur. Əsas məqsəd layihə obyekti üzrə dəniz hövzəsinin dib relyefinin detallı tədqiq edilməsi olmuşdur. Dib relyefinin öyrənilməsi və sahilyanı ərazilərdə topoqrafik ölçmələrin icrası, həmçinin topoqrafik xəritənin tərtibi məsələləri, o cümlədən batimetrik modelin qurulması həll olunmalı məsələlərdir. İlkin olaraq, ərazidə risklərin qiymətləndirilməsi aparılmış, SƏTƏM tədbirlər planı (sağlamlıq, əməyin təhlükəsizliyi və ətraf mühit) və FHN planı (Fövqəladə Hallar Planı)  hazırlanmış, bütün risk ehtimalları minimum səviyyə üzərinə gətirilmişdir. Növbəti mərhələ, kartoqrafik təqdimat və batimetrik modelin qurulması olmuşdur. Eyni zamanda, əldə edilmiş nöqtələr çoxluğu əsasında dib relyefin səth quruluşu üzrə üçölçülü modellər işlənilmişdir.

https://caspiangeomatics.com/