geoloji və hidrogeoloji tədqiqatlar, topoqrafiya, qrunt laboratoriya tədqiqatı, Araz çayından qidalanan nasos stansiyaların və təzyiqli xəttin tikintisinin layihə sənədlərinin hazırlanması üzrə mühəndis axtarış işləri.

Layihə adı: Babək rayonu Nehrəm qəsəbəsinin torpaq sahələrinin su təminatını yaxşılaşdırmaq üçün Araz çayından qidalanan nasos stansiyaların və təzyiqli boru xəttinin tikintisinin layihə sənədlərinin hazırlanması.

Layihələndirmə üçün aparılan topoqrafiya işləri, geoloji və hidrogeoloji tədqiqatlar əsasən relyefin və geoloji-litoloji quruluşun öyrənilməsi məqsədini daşıyır. Bundan başqa, qruntların fiziki-mexaniki xassələri də təyini olmuşdur. Layihədə təzyiqli boru xətti üzrə 61 ədəd hər biri 5 metr dərinliyi olmaqla mühəndis geoloji quyular qazılmışdır. Araz 1 və Araz 2 nasosxanalarına yaxın yeni nasosxanalar üçün 12 ədəd 10 metr dərinliyində geoloji quyular qazılmışdır. Layihə obyektində qazmanın ümumi həcmi 425 p.m təşkil etmişdir.

Yerinə yetirilmiş mühəndis axtarış işləri:

– Topoqrafiya ölçmələri və nəticələrin emalı, xəritə tərtibi, istinad məntəqələrinin quraşdırılması və bağlantı, xyz göstəricilərinin təyini;
– rəqəmsal relyef modelinin qurulması, model üzrə uzununa profilin qrafik tərtibatı;
– Araz çayından qidalanan və təqribən 17 km uzunluğu olan trassanın 50 m en üzrə topoqrafik ölçmələri, trianqulyasiya şəbəkəsinin qurulması;
– nasosxana sahələrinin mühəndis topoqrafiya ölçmələrinin yerinə yetirilməsi;
– geoloji və hidrogeoloji tədqiqatlar, müayinə;
– qrunt laboratoriya tədqiqatları, litoloji sütunların və kəsilişlərin tərtibi;
– tədqiqat ərazisi üzrə CİS-in qurulması.

Baza rover əsasında trassa üzrə topoqrafik ölçmələr aparılmış, trianqulyasiya şəbəkə modeli qurulmuş və topoqrafik xəritə tərtib olunmuşdur. Trassa boyu (17 km) 12 ədəd baza istinad məntəqələrinin yerləri seçilmiş, koordinat və yüksəklik göstəriciləri təyin olunmuş, geoloji-litoloji sütunların tərtibat işləri icra edilmiş və kəsilişlər verilmişdir. Sonda, hesabat tərtib edilmiş və Sifarişçiyə təqdim olunmuşdur.