GEOMATİKA XİDMƏTLƏRİ +

Geodeziya, topoqrafiya, geoinformasiya sistemi, xəritəçəkmə, batimetriya, fotoqrammetriya (dron), məsafədən zondlama üzrə xidmətlər göstəririk. Obyekt və hadisəni modelləşdirmək, tendensiyaları anlamaq üçün səbəbləri araşdırmaq məqsədilə CİS texnologiyasından geniş istifadə edilir. CİS-in tətbiq sferasının geniş olmasına baxmayaraq, təcrübəmiz müxtəlif mövzular üzrə CİS-i qurmağa və ətraf mühiti dərindən öyrənməyə, həm də elmi-tədqiqat işlərini icra etməyə xüsusi imkanlar verir.

CİS XİDMƏTLƏRİ

Geoməkan verilənlər bazası
məkan məlumatlarının idarə olunması
geoməlumat bazasının qurulması
struktur layihələndirmə
məkan analizi və modelləşdirmə
obyekt və hadisələrin geoinformasiya təhlili

GEODEZİYA XİDMƏTLƏRİ

Mühəndis geodeziya və topoqrafiya ölçmələri
peyk və dron əsaslı fotoqrammetriya xidməti
müşahidə (nəzarət) və həcm hesablamaları
dəniz geodeziyası (batimetriya)
hidrotexniki qurğuların texniki inventerizasiyası
layihənin yerə köçürülməsi (naturaya köçürmə)
geodezik monitorinq sistemi və şəbəkə qurma
nivelirləmə və topoqrafiya xəritələrinin tərtibi
lazer skan ölçmələri və lidar texnologiyası
icraedici sxemlərin tərtibi, geodeziya təminatı
qurğu və konstruksiya üzrə deformasiya tədqiqi

KARTOQRAFİYA XİDMƏTLƏRİ

Kartoqrafiya (Xəritəçəkmə) xidmətimizə verilənlər əsasında tematik xəritələrin tərtibi, topoqrafik xəritə və planların hazırlanması, yenilənməsi, CİS və CAD xidməti, atlas tərtibatı və dizaynı, veb xəritə və sistem inteqrasiyası daxildir. Xəritəçilik elmi ilə dərindən məşğul olmaqla zəngin təcrübə əldə etmişik. Tərəfimizdən çoxsaylı topoqrafik xəritələr tərtib edilmiş, tematik xəritə tərtibi sahəsində bir çox layihələr icra olunmuşdur. Xəritələrin tərtibi zamanı tərəfimizdən kartoqrafik qaydalara ciddi əməl olunur və dizayn meyarına həssas yanaşılır. Xəritə dizaynı zamanı rənglərlə işləmə bacarığı və rəngləri hiss etmək lazım gəlir. Bu halda rənglərin təbiəti və onların harmoniyası önəmli olur. Bu səbəbdən hər bir xəritəyə xüsusi yanaşılır və bu yanaşmalarımız xəritələrə rəng qatır, həmçinin kompozisiya uyğunluğu təmin olunur.

MƏSAFƏDƏN ZONDLAMA

Spektral analizlər üzrə tematik-təsnifat xəritələri
spektral xarakteristikaların təyini
obyekt və hadisələrdə dəyişikliyin təyini
aerokosmik monitorinq, piksel dəyərləndirmə
antropogen təsirlərin qiymətləndirilməsi
ekoloji qiymətləndirmə və s.

Cəmiyyətimiz məsafədən aerokosmik tədqiqat üsullarını fərqli sahələrdə tətbiq etmək imkanlarına malikdir. Bu sahələrə əsasən sahil idarəetmə, kənd təsərrüfatı, şəhərsalma, dağ-mədən və ətraf mühit aiddir. Hidroloji və ekoloji, su ehtiyatları, ekocoğrafi, geolandşaft, hidroqrafiya obyektlərinin tədqiqi, geoloji və ekogeomorfoloji tədqiqatlar üzrə məsafədən aerokosmik üsullarını daha geniş istifadə etməklə müxtəlif ayırdetməli aerokosmik təsvirlər əsasında struktur və proqnoz, alterasiya və təsnifat, həmçinin ətraf mühit xəritələrini tərtib edirik və hesabatlar hazırlayırıq.